ხულოს მუნიციპალიტეტის ბიუჯეტი 1 700 000 ლარით გაიზარდა და 25 070 000 ლარი შეადგინა

აჭარის ავტონომიური რესპუბლიკის მთავრობისგან მიღებული კაპიტალური და სპეციალური ტრანსფერის ფარგლებში, ხულოს მუნიციპალიტეტის ბიუჯეტი 1 700 000 ლარით გაიზარდა და 25 070 000 ლარი შეადგინა.

გაზრდილი ბიუჯეტის ფარგლებში დაფინანსება გაეზრდა როგორც არსებულ პროექტებს და პროგრამებს, ასევე, დაიგეგმა ახალი ღონისძიებები.

დაფინანსება გაიზარდა შემდეღ ღონისძიებებზე:  

სოფლების შიდასაუბნო გზების მოსაწყობად მზა ბეტონის შეძენა;

ფერდსამაგრი სამუშაოები;

სხვადასხვა სოფლებში, ადმინისტრაციული შენობების მშენებლობა;

სპორტული ინფრასტრუქტურის კეთილმოწყობა;

დაბა ხულოში, ახალგაზრდული ცენტრის რეაბილიტაცია;

საპროექტო მომსახურების შესყიდვა;

დაბა ხულოში, საგანგებო სიტუაციების კოორდიციისა და გადაუდებელი სამედიცინო დახმარების ცენტრი შენობის მშენებლობა;

მოწყვლადი სოციალური ჯგუფების ბენეფიციართა მედიკამენტებით უზრუნველყოფა;

დაფინანსდება ახალი ღონისძიებები:

სოფელ ქვემო ვაშლოვანიდან სატბაოს ტერიტორიის მიმართულებით ელექტოგადამცემი ქსელის მოწყობა;

სოფელ წინწკალაშვილებში სასმელი წელის სისტემის რეაბილიტაცია;

სოფელ ლაბაიძეების სასმელი წყლის სისტემის რეაბილიტაცია;

სოფელ განახლებაში სასმელი წყლის სისტემის მოწყობა;